سلبيات وايجابيات الانترنت

الانترنت : عبارة عن نظام أو وسيلة اتصال من الشبكات الحاسوبية
بيوصل بين الحواسيب حول العالم ببروتوكول موحد هو ببروتوكول الانترنت
و بيربط الانترنت بين ملايين ملايين الشبكات .

الانترنت صار شي اساسي بحياتنا , مين بيقدر يستغنى عنو منا .؟
او مين ما بيستخدم الانترنت فينا بشكل يومي.؟
ان كان لدراسة أو لتواصل أو لمعرفة او للتعليم ألخ ... , هو ملتقى المبدعين
كتير ناس ما لقت المكان المناسب لتفرغ طاقاتها أو مواهبها يلي متل الشعر
او التصميم او التصوير ألخ ... فلجئوا للمنتديات العامة او المواقع المخصصة لشي معين
لتفريغ هالمواهب ليحصلو علي النقد و يحاول الواحد فيه يرتقى بنفسه للأفضل

تقريباً الانترنت انتشر بسرعة كبيرة في الفترة الاخيرة و بنلاحظ انو بيحاولو ينشروه بشكل اوسع
بدايةً من المدارس و بعدها في البيوت إلي ما نهاية عن طريقة توضيح فوائد الانترنت و مجالاته و أفاقه بشكل علمي للجميع
بدل التركيز علي جوانبه السلبية فقط و مع تقدم الزمن راح يصير من التكنولوجيات يلي ما آلنا غنى عنها و موجودة في كل مكان ...

الانترنت عالم كبير ما بنحصر بفقرة أو فقرتين لهيك خصصت هاد الموضوع
لنتناقش في أمور في دائرة الانترنت , راح يكون معنا كل فترة موضوع جديد نحكي فيه
و أن شاء الله نفيد و نستفيد و نزيد الوعي اكتر عند شبابنا
عن الانترنت و طرق استعماله الصحيحة و نشجع علي أستخدامات الانترنت.

فاصل و نواصل

تخلوِ الزجآجهِ منِ العطر ، ولكنَ تبقىآِ الرآئحهِ العطـرِهـ عآلقـهِ بَ الزجآجه !
كمآ تبقْىَ الذكرىْ { الطيبهِ } عآلقهِ بَ القلبَ
همِ أولئكَ الذيَن ينقشونِ حبهمَ بطيبَ تعآملهمَ {علىَ جدرآنِْ قلوِبنآَ !
و يصعبَ علينآِ نسيآنهْمَ !

موضوعنا الاول : سلبيات و ايجابيات الانترنت



الانترنت عالم كامل متكامل فيه الفائدة و فيه الضرر يلي بحدد هاد الشي هو طريقة استعمال الشخص للأنترنت
كثير منا بيعتقد انو الانترنت هو وسيلة تسلية و ازعاجات و البحث عن الممنوعات
لهيك هو مش كتير مقبول في البلادان العربية او في مجتمعا لانو الصورة يلي مرسومة إلو غلط
بس بالعكس طبعاً الانترنت إله استخدامات جادة و مفيدة كتير , ممكن تصير من خلالها أنسان مبدع مثقف و في داخلك بصمة تميز
لكن بشرط أنك تحسن أستخدامه و تنظم وقتك لحتى ما توصل لدرجة الادمان عليه و بسبب هالأدمان تلغى واجباتك الأسياسية أو تقصر فيها

و عنا أسباب كتير لتخلي الانسان مدمن عليه و منها هآي الاسباب :

سبب الاول أنه عبارة عن تقنية حديثة بتشد أي انسان إلها و بتتطلب الوقت و بتعطي فرصة للبني ادم أنه يبين شخصيته و يثبتها
من خلال المشاركة في ساحة النقاشات و هاد شي بيحسس البني ادم أنه عمل أنجاز أو حقق نجاح
خصوصاً لما ما تكون الناس يلي حواليه عندها دراية بهآي الأمور أو الابداعات.

سبب تاني أنو كتير ناس بتهرب من مشاكلها أن كانت عملية أو اجتماعية ساعات الواحد بكون مجبور للهروب من مشاكله للمتعة و التسلية
ليحسن من نفسيته , لكن الافضل أنو الواحد يواجه مشاكله و يحلها لانو الهروب مش حل .
ما راح اتوسع بموضوع الادمان اكتر من هيك بس هاد شي بسيط عنو و راح يكون إله فقرة خاصة فيه في الايام القادمة

كلنا بنعرف قديه النت قدملنا شغلات مفيدة و وفر علينا جهد و وقت و مصاري و هاد الشي كان من إيجابيات الانترنت
و غير هيك سهل علي الباحثين و المؤلفين نشر أنتاجاتهم مباشرة من دون الحاجة لمطابع أو ناشرين أو موزعين
و من خلال الموقع المنشور عليه الكتابات ممكن نعبر عن يلي بداخلنا بتقدم الانتقادات و الأراء
و سهل عملية التعديل و التنقيح للكاتب علي كتاباته بدل ما يعيد الطباعة و الكتابة علي الاوارق , و اعطانا مساحة كبيرة لتخزين الوثائق و المعلومات
و من خلال هاد الشي حافظ علي البيئة من ناحية تقليل من قطع الاشجار لأستخدامها في الورق المتداول يلي بتحول في أحياناً لنفايات
و سهل علينا البحث عن المعلومات بدل ما نقعد ساعات و احنا بندور عليها بالكتب
لكن المشكلة انه مش دايماً بتكون موثوقة لانو من الممكن أنو أي انسان يكتب معلومة و يجي غيره يعمل كوبي بست
و بهالطريقة بتلاقي المعلومة انتشرت و هي غير صحيحة !! طبعاً إيجابيات النت لا تعد و لا تحصى و كذلك السلبيات
و هالئ خلينا نحكي شوي عن السلبيات , من سلبيات الانترنت المواقع المخلة بالأدب و الشات يلي كتير منا بيستعملو لخداع الناس و تضيع الوقت بلا فائدة
طبعاً الشات راح نحكي عنو بشكل خاص بالمواضيع القادمة بأذن الله
و كمان من سلبيات النسخ الغير مشروع و تسرب المعلومات أو الصور الشخصية بين أيدين أشخاص بيسعو لضرر البشر لا أكتر ولا أقل
و هالمشكلة كتير ناس عانت منها و كانت مشاكل إلها بداية و ما إلها نهاية !! .

و هالئ راح أطرح بعض الاسئلة عليكم لنتاقش فيها :




1- شو نظرة اهلك أو البيئة يلي أنتا فيها للأنترنت يعني تقبلوه ولا كان عندهم اعتراض علي أستخدامك إلو .؟
و شو السبب يلي دفعهم للرفض أو القبول .؟





2- شو الأيجابيات و السلبيات يلي تواجدت في حياتك بسبب الانترنت .؟



3- شو هدفك من تصفح الانترنت ولا تضيع وقت لا أكتر .؟



4- راح تعارض بتصفح أولادك للأنترنت في المستقبل أو راح تخليهم .؟ وشو السبب.؟



5- بتشجع أستخدام الانترنت و انتشاره في المدارس و المنازل .؟ وشو السبب .؟



6- قولنا موقف أو تجربة صارت معك بعالم النت و تعلمت منها درس ما بتنساه أبداً .؟

تخلوِ الزجآجهِ منِ العطر ، ولكنَ تبقىآِ الرآئحهِ العطـرِهـ عآلقـهِ بَ الزجآجه !
كمآ تبقْىَ الذكرىْ { الطيبهِ } عآلقهِ بَ القلبَ
همِ أولئكَ الذيَن ينقشونِ حبهمَ بطيبَ تعآملهمَ {علىَ جدرآنِْ قلوِبنآَ !
و يصعبَ علينآِ نسيآنهْمَ !

1- شو نظرة اهلك أو البيئة يلي أنتا فيها للأنترنت يعني تقبلوه ولا كان عندهم اعتراض علي أستخدامك إلو .؟
و شو السبب يلي دفعهم للرفض أو القبول .؟

نظرتهم اله لوز ما شاء الله كل العيله عندها اميلات وفيس بوك , وابوي دايمن ع النت



2- شو الأيجابيات و السلبيات يلي تواجدت في حياتك بسبب الانترنت .؟
الايجابيات كتيرة منها انه الواحد تعرف على ناس ما بنوصفوا , وايكيد الايجابيات كتيره ما في مجال للحكي عنها , يعني اي شي بحب الواحد يعرفه بلاقيه بالنت !

اما السلبيات فممكن انه الانترنت أخذ من وقتي كتير بس اكيد مش ندمان عليه لأني استفدت منه وبستفيد منه ,, ونصيحة للجميع انهم يستغلوا الانترنت لفايدتهم مش بس للتسليه عني استخدموه بالدارسه وبالتواصل مع ناس يفيدوكم بحياتكم بشكل عام وابعدوا عن الامور اللي برا الطريق بكل اشكالها ,



3- شو هدفك من تصفح الانترنت ولا تضيع وقت لا أكتر .؟
تصفحي للانترنت للتسليه وللتواصل مع الناس واكيد وقت كبير كتير منه بكون للدراسه , مرات بتكون دراستي على امتحان كامل على النت , وكتير بلزمني بحياتي اليومية




4- راح تعارض بتصفح أولادك للأنترنت في المستقبل أو راح تخليهم .؟وشو السبب.؟
رح اخليهم اكيد بس بقيود وخاصة وهمّي في مراحل حساسة بعمرهم .


5- بتشجع أستخدام الانترنت و انتشاره في المدارس و المنازل .؟وشو السبب .؟
اكييد بشجع وخاصة بالمدراس لأنه فعلا ممكن يكون كنز لو استخدمناه صح


6- قولنا موقف أو تجربة صارت معك بعالم النت و تعلمت منها درس ما بتنساه أبداً .؟

بدون ذكر مواقف !

هاي العبارة بتكفي "لا تتعجب فقط اقرأ بصمت"

THANXXXX

يسلمو

كول الاحترام شروف

يسلموو